نبني تطبيقك بالذكاء الاصطناعي، بأيادي مبرمجين خبراء
تطبيقك جاهز أسرع وبتكلفة أقل. نشتغل بعقد ونطاق واضح، وتشوف نسخة تجريبية من تطبيقك كل أسبوعين.
ما تحتاج ملف تقني. اكتب لنا فكرتك بسطرين.

اللي قريته في الإعلان، تلقاه في العقد
ست التزامات واضحة من أول يوم، عشان تبدأ وأنت مطمّن.
تسليم ودفع على مراحل
المشروع مقسوم على مراحل، وكل دفعة مربوطة بمرحلة محددة في العقد. ما تدفع المشروع كامل مقدم.
نسخة تجريبية كل أسبوعين
كل أسبوعين توصلك نسخة تجربها على جوالك، تشوف وش انبنى وتعطينا ملاحظاتك.
ملكية كاملة للكود بعد التسليم
الكود المصدري يتسلّم لك، وتطبيقك ملكك تكمل عليه مع أي فريق تبيه.
عقد ونطاق واضح بدون مفاجآت
قبل ما نبدأ نكتب معك وش يدخل في التطبيق ووش خارجه، وأي إضافة نوضح أثرها على الوقت والتكلفة قبل ما تعتمدها.
ضمان ودعم بعد الإطلاق
بعد ما ينزل تطبيقك، نصلح أي خلل في الوظائف المتفق عليها خلال فترة الضمان، ونكمل معك بالدعم حسب العقد.
مبرمجين خبراء يراجعون ويختبرون
الذكاء الاصطناعي يسرّع الشغل، والمبرمج يراجع الكود ويختبره قبل ما يوصلك.
تبي تطبيق لشغلك؟ أنت في المكان الصح.
يناسبك إذا:
- عندك نشاط أو شركة، وتبي تطبيق يخدم عملاءك أو فريقك.
- تبي تطبيق طلبات، أو حجوزات، أو متجر، أو توصيل، أو تطبيق لموظفينك.
- سويت نموذج أولي بأداة ذكاء اصطناعي، وتبي أحد يكمله ويجهزه للإطلاق.
- تبي فريق يتحمل المسؤولية من الفكرة لين النشر في المتاجر.
مو مناسب لك إذا:
تدور أداة أو برنامج تسوي فيه التطبيق بنفسك. إحنا فريق يبنيه لك.
الذكاء الاصطناعي يسرّع. المبرمج يتحمّل المسؤولية.
نستخدم أدوات الذكاء الاصطناعي في الشغل اللي ياخذ وقت ويتكرر، ونخلي وقت المبرمجين للشي اللي يفرق: الفهم، والربط، والمراجعة، والاختبار. عشان كذا يطلع تطبيقك أسرع وبتكلفة أقل، بدون ما نتنازل عن المراجعة.
وش يسوي الذكاء الاصطناعي؟
- يجهز نماذج الشاشات بسرعة، عشان تشوف فكرتك بدري.
- يسرّع كتابة الأجزاء المتكررة في الكود.
- يساعد في تجهيز الاختبارات والتوثيق.
وش يسوي المبرمج؟
- يحدد معك النطاق ويرتب الأولويات.
- يصمم البيانات والصلاحيات وأدوار المستخدمين.
- يراجع الكود قبل ما يدخل التطبيق.
- يربط الدفع والخرائط والرسائل، ويختبرها.
- يختبر الحالات الصعبة: لو الدفع فشل، أو خدمة خارجية وقفت.
- يجهز النشر، ويسلّمك، ويكمل معك بعد الإطلاق.
نموذج يطلع من أداة شي، وتطبيق يخدم عملاءك كل يوم شي ثاني.
كل أسبوعين تشوف تطبيقك بعينك
ما تنتظر لين آخر المشروع عشان تعرف وش صار. نمشي معك مرحلة مرحلة، وكل مرحلة تخلص باعتمادك.
- 1
نفهم ونحدد
نسمع فكرتك، ونحدد المستخدمين والوظائف والربط المطلوب، ونرسل لك عرض مكتوب فيه النطاق والمدة والتكلفة والدفعات.
- 2
نوقّع العقد
النطاق والمراحل والدفعات والضمان وملكية الكود، كلها مكتوبة قبل أول سطر كود.
- 3
نصمم الشاشات
تشوف شكل التطبيق وخطوات استخدامه، وتعتمدها قبل التطوير.
- 4
نطوّر على دفعات
كل أسبوعين نسخة تجريبية على جوالك، تجربها وتعطينا ملاحظاتك.
- 5
نختبر ونجهز للنشر
نراجع الوظائف والحالات غير المتوقعة، ونجهز التطبيق لـ App Store وGoogle Play.
- 6
نطلق ونسلّم
ينزل تطبيقك، يتسلم لك الكود، وتبدأ فترة الضمان والدعم.
من خبرات فريقنا
نماذج من شغل الفريق في التطبيقات والأنظمة. نعرضها كأمثلة لنوع الشغل، مو كوعود بنتائج.

عافية
تطبيق استشارات طبية يجمع العيادات والأطباء: بحث حسب التخصص، حجز موعد، واستشارة مرئية.

Mukhamar
إذا عندك متجر وتبي تطبيق يشتغل معه كتجربة بيع وحدة.
Nabolia
إذا تبي تطبيقك يتربط بمتجرك وبيانات عملائك.
Ziggy Pupps
إذا عندك فروع وتبي التطبيق جزء من نظام واحد مترابط.
كم تكلفة تطبيقك؟
تطبيق حجوزات بسيط وتطبيق توصيل بأكثر من تاجر، الاثنين اسمهم «تطبيق»، لكن الفرق بينهم كبير. عشان كذا ما نعطيك رقم قبل ما نفهم وش تبي. أرسل لنا فكرتك، ونرجع لك بعرض مكتوب فيه النطاق والمدة والتكلفة وتقسيم الدفعات.
وش يحدد التكلفة والمدة؟
- آيفون، أو أندرويد، أو الاثنين
- عدد الشاشات والوظائف
- أنواع المستخدمين: عميل، مندوب، مدير
- لوحة التحكم والصلاحيات
- الربط: دفع، خرائط، رسائل، أو أنظمة عندك
- تبدأ بنسخة أولى ولا تطبيق كامل من البداية
ونقدر نرتب معك نسخة أولى فيها الأساسي، والباقي يجي على مراحل.
يوم التسليم، وش تستلم؟
- تطبيقك منشور بالوظائف اللي اعتمدناها في النطاق.
- الكود المصدري كامل، وملكيته لك.
- لوحة التحكم وحسابات الإدارة.
- بداية فترة الضمان والدعم.
أسئلتك قبل نبدأ
كم تكلفة التطبيق؟
تعتمد على النطاق: المنصات، وعدد الشاشات، وأنواع المستخدمين، والربط المطلوب. نحدد معك النطاق أول، وبعدها يوصلك عرض مكتوب بالتكلفة وتقسيم الدفعات. ما نعطيك رقم تخمين.
كم ياخذ وقت؟
المدة تنكتب في العقد بعد ما نحدد النطاق. والأهم إنك ما تنتظر للنهاية: كل أسبوعين توصلك نسخة تجريبية تشوف فيها التقدم بنفسك.
بالذكاء الاصطناعي؟ يعني الجودة أقل؟
لا. الذكاء الاصطناعي عندنا أداة تسرّع الشغل المتكرر، مو بديل عن المبرمج. كل جزء يراجعه ويختبره مبرمجين خبراء قبل ما يوصلك، والمسؤولية على فريقنا.
الكود يكون ملكي؟
إيه. بعد التسليم تكون لك ملكية كاملة للكود، ويتسلم لك الكود المصدري، والبند مكتوب في العقد.
وش يشمل الضمان والدعم بعد الإطلاق؟
نصلح أي خلل في الوظائف المتفق عليها خلال فترة الضمان، ومدة الضمان ونطاق الدعم مكتوبين في العرض والعقد قبل ما نبدأ. وأي وظيفة جديدة تنحسب تطوير إضافي بعرض مستقل.
يشتغل على آيفون وأندرويد؟
نبني لآيفون أو أندرويد أو الاثنين، حسب اللي يحتاجه مشروعك، ونجهز النشر في App Store وGoogle Play. ورسوم حسابات المتاجر والسيرفر تنكتب في العرض بشكل واضح.
لو حبيت أغيّر أو أضيف شي وسط المشروع؟
عادي. نكتب طلب التعديل، ونوضح لك أثره على الوقت والتكلفة، وما ننفذه إلا بعد ما تعتمده. كذا ما فيه مفاجآت آخر المشروع.
عندي نموذج سويته بأداة ذكاء اصطناعي، تكملونه؟
أرسله لنا. نراجع الكود والبيانات والربط أول، ونقول لك بصراحة وش ينبني عليه ووش يحتاج إعادة، قبل أي وعد. أرسل النموذج على واتساب
خلنا نبدأ بفكرة تطبيقك
اكتب لنا على واتساب: وش نشاطك، ووش تبي التطبيق يسوي، وآيفون ولا أندرويد ولا الاثنين. ما تحتاج ملف تقني.
تفضّل تكتب التفاصيل؟ عبّ الفورم ويوصلنا طلبك على واتساب.